Витко тело за на плажа не треба да биде единствената цел на диетата за слабеење – дебелината е кардиоваскуларен фактор на ризик

Последици од дебелината

Покрај тоа што дебелината е докажан фактор на ризик за неколку болести, познато е дека и лошата исхрана игра голема улога. Меѓутоа, малкумина само знаат дека прекумерната тежина може да влијае и на исходот на болестите и ефективноста на третманот.(3)

Што може да направите во борбата против дебелината?

Намалениот калориски внес и зголемената физичка активност може да го сменат позитивниот енергетски биланс и да предизвикаат губење на телесната тежина.

Златни правила:

• Редовно проверувајте ја вашата телесна тежина. Подобро е да се спречи дебелината, отколку да се лекува. Не чекајте да ја зголемите телесната тежина за повеќе од 10 kg. Многу е полесно да ослабете само неколку килограми.
• Умереното и постепено намалаување на телесната тежина се клучни во борбата потив дебелината. Поставете си реални очекувања. Диетата за слабеење не треба да вклучува испостување и интензивни спортови. Постепено засилувајте ги диетата за слабеење и физичките вежби. 
• Во начинот на живот воведувајте само промени кои што ќе можете да ги задржите на долг рок. 
• Дополнителен совет: Ако успеете да го избегнете ефектот на осцилирање на тежината, нема да ви биде потребна гардероба со различни броеви за различни тежини.

Водич за исхрана(1)

Како што е споменато во насловот, дебелината не е само прашање за тоа како изгледате. Голем број медицински здруженија даваат препораки за соодветен начин на живот.(1)

Кога станува збор за исхраната, се препорачува Медитеранска исхрана во која се препорачува замена на заситените со незаситени масти (маслиново масло), а продуктите од животинско потекло треба да се заменат со продукти од растително потекло кои имаат многу повеќе растителни влакна, како што се зеленчукот, овошјето, јаткастите плодови и целозрнестите житарици.

Да, треба да размислите и какви течности внесувате – на пример, дури и таканаречениот нискокалоричен, 100% сок од портокал содржи шеќер. Кога сте жедни, водата треба да ви биде прв избор. Засладените пијалоци не треба да надминуваат повеќе од 10% од вкупниот енергетскиот внес на калории.

Препораки за физичка активност

Редовната физичка активност (работа, превоз, спорт, слободни активности) дава позитивни промени во повеќе метаболички процеси и има синергично (дополнително) влијание заедно со диетата за слабеење.

Покрај кардиореспираторната кондиција, физичката активност е важна и за одржување на мускулната маса и за намалување на телесните масти.

Поради новите околности во кои живееме, многу луѓе работат од дома, а тоа дополнително ја намалува нивната дневна физичка активност. Затоа, од суштинско значење е барем да пешачите најмалку 150 - 300 минути неделно, но правете го тоа редовно.(1) Паметен часовник со бројач за чекори или паметен телефон може да ви помогнат да го постигнете посакуваниот дневен број на чекори.

Што да правите за да го одржувате срцето здраво?

1. Редовно мерете ја вашата телесна тежина и придржувајте се до воведените промени во начинот на живот. Воведувајте промени во начинот на живот чекор по чекор.
2. Можеби ќе сакате да се консултирате со нутриционист кога и како да следите одредена диета, но доколку не можете да стапите во контакт со таков професионалец, испланирајте го однапред вашето неделно мени за исхрана.
3. Ако се посомневате на некоја кардиоваскуларна болест, закажете преглед што е можно поскоро и разговарајте со вашиот лекар за тоа кои опции ви се достапни за намалување на вашата телесна тежина.
4. Свесниот начин на живот вклучува и земање на соодветни лекови за превенција и лекување.
5. Ако имате дијагностицирана кардиоваскуларна болест, следете ги советите на вашиот лекар во однос на терапијата и промените во начинот на живот.