Банани замотани во чоколадни палачинки
Некои утра ни е потребен поблаг појадок. Не е на одмет ако таквиот појадок е и малку поздрав и похранлив бидејќи појадокот е основа за целиот ден. Нема да погрешите ако одберете банани.
Има причина зошто тенисерите секогаш носат банана во торбата кога одат на натпревари и не постои подобар извор на енергија за студентите кои полагаат тест или испит. Покрај калциум, калиум и магнезиум, бананите се богати со растителни влакна, што ги прави многу погодни за варење и добри за стомакот. Шеќерот во нив брзо ослободува енергија, а помагаат и во подобрување на нашето расположение благодарение на триптофанот. Нема кој не ги сака палачинките, па ајде овојпат да направиме специјални палачинки.
Состојки:
- 4 банани
- 3 јајца
- 2 супени лажици млеко
- 2 супени лажици растително масло
- 1 шолја и 3 супени лажици брашно
- 2-3 супени лажици незасладено какао во прав
- малку сол
- неколку коцки чоколадо
Искршете ги јајцата во длабок сад, додајте ги брашното и млекото и доколку е потребно, разредете ја смесата со кисела вода. Додајте го маслото и малку сол, измешајте додека смесата не стане кремаста и додајте боја така што ќе ставите неколку супени лажици какао во прав. Печете на жешка плоча до златно кафеава боја на обете страни. Пресечете ги бананите на половина и замотајте ги во жешките палачинки. Стопете неколку коцки чоколадо со 5 ml млеко и истурете врз чоколадните палачинки. Добивте благ и вкусен појадок.
Извор:
Anyakanyar.hu (www.anyakanyar.hu)
Поврзани рецепти:
Аспирин® Протект 100, 100 mg гастрорезистентни таблети Лекот може да се издава и/или продава без рецепт.
Bayer d.o.o. Љубљана- Претставништво Скопје
Антон Попов 1, лок 4 мез., лам 2
ПРЕД УПОТРЕБА ВНИМАТЕЛНО ДА СЕ ПРОЧИТА УПАТСТВОТО! ЗА ИНДИКАЦИИТЕ, РИЗИКОТ ОД УПОТРЕБАТА И НЕСАКАНИТЕ ДЕЈСТВА НА ЛЕКОТ КОНСУЛТИРАЈТЕ СЕ СО ВАШИОТ ЛЕКАР ИЛИ ФАРМАЦЕВТ.
