Домашен намаз од лешник

Омилениот намаз од лешник почна да го освојува светот пред 50 години од малиот град Алба во регионот Пиемонт во Италија.

Пиетро Фереро, италијански слаткар, уште од 20-тите години на минатиот век експериментирал со сладок и хранлив путер од јаткасти плодови. Намазот на леб би можел да стане совршен појадок за деца и физички работници. Во 1964 година неговиот син Микеле Фереро го усовршил рецептот за чоколадниот намаз со лешник. Тој вовел нова етикета и амбалажа, додал италијанска наставка на англискиот збор „орев“, а останатото е историја. Денес нутелата е фаворит број еден во 100 земји. 10 фабрики низ светот годишно произведуваат над 350 илјади тони намаз

Главната состојка е Пиемонт лешник, кој има статус на заштитена географска ознака, издаден од Европската комисија. Јаткастите плодови го задржуваат својот вкус и арома дури и по печење. Лешниците содржат незаситени масни киселини и затоа се неверојатно корисни за здравјето. Покрај тоа, јаткастите плодови содржат големи количини минерали, витамини и растителни влакна, што ги прави важен дел од урамнотежената исхрана. Влакната, исто така, спречуваат дебелеење затоа што прават да се чувствувате најадени. Од оваа причина јаткастите плодови толку многу се препорачуваат како закуска. Лешниците се богати со витамини Б1, Б2, Ц, Х и Е, како и калциум и калиум. Тие ги поттикнуваат и ензимите кои се клучни за производство на клеточна енергија.

Овој деликатес од маркетите може да го направите и дома.

Домашна нутела - состојки

• 1 1/3 шолји лешници
• 2/3 шолја темно чоколадо
• 2/3 шолја млечно чоколадо
• 1 шолја и 5 супени лажици полномасно млеко
• 3 супени лажици млеко во прав
• 1 кафена лажица мед
• 2 супени лажици незасладено какао во прав
• малку сол