Ќофтиња од тиквички
Некои зеленчуци никогаш не здосадуваат. Такви се тиквичките. Не се исти со тиквата, ниту со краставиците. Тие се убав светкав зелен зеленчук што може да го излупите ако сакате, но и не мора.
Тиквичките се многу лесна храна, нивните растителни влакна лесно се варат и му ја олеснуваат работата на нашиот стомак. И ако се земе предвид дека содржат само 19 калории по шолја, вашата потрага за совршена диетална храна е завршена. Со нив може да направите вкусна крем супа или чорба со млечен крем, кромид и билки. Може да испржете тенки парчиња и ќе добиете крцкаво совршенство, а добро го заменуваат и брашното во колачи. Вегетаријанскиот рецепт подолу ќе го направите додека да трепнете, а истиот ќе го направиме здрав и богат со растителни влакна така што ќе додадеме корнфлекс. Без многу да должиме - еве го рецептот за ќофтиња од тиквички!
Состојки:
- 2 тиквички
- 2 јајца
- 2 шолји овес
- малку сол
- бел бибер
- копар
- 1 супена лажица растително масло
Измијте ги тиквичките и исечете ги краевите. Изрендајте ги покрупно во длабок сад. Додајте малку сол и оставете ги да пуштат сок. Исцедете го сокот, потоа ставете ги во друг сад, додај ги јајцата и корнфлексот, зачинете со бел бибер и копар (и уште сол ако сакате). Додајте една супена лажица масло во смесата. Добро измешајте и оставете ги малку за корнфлескот да ја впие преостанатата течност од тиквичките. По околу 10 минути загрејте малку масло во тава. Направете сплескани ќофтиња со супена лажица и испржете ги од двете страни. Тие се превкусни без додатоци, но може да ги сервирате со гарнир, на пример со ориз.
И едно нешто што дефинитивно ќе ви се најде: лесен сос од јогурт и зачинет со сè што сакате.
Извор:
Anyakanyar.hu (www.anyakanyar.hu)
Поврзани рецепти:
Аспирин® Протект 100, 100 mg гастрорезистентни таблети Лекот може да се издава и/или продава без рецепт.
Bayer d.o.o. Љубљана- Претставништво Скопје
Антон Попов 1, лок 4 мез., лам 2
ПРЕД УПОТРЕБА ВНИМАТЕЛНО ДА СЕ ПРОЧИТА УПАТСТВОТО! ЗА ИНДИКАЦИИТЕ, РИЗИКОТ ОД УПОТРЕБАТА И НЕСАКАНИТЕ ДЕЈСТВА НА ЛЕКОТ КОНСУЛТИРАЈТЕ СЕ СО ВАШИОТ ЛЕКАР ИЛИ ФАРМАЦЕВТ.
