Тајландски полнет омлет
Овој зачинет омлет (kai yad sai) е многу популарен во рестораните покрај патиштата, а во Тајланд често се јаде за ручек. Во Европа, омлетот повеќе се јаде за појадок. А дефинитивно е одличен појадок!
Состојки:
- 1/4 шолја растително масло
- 100 gr посно свинско месо, сецкано на парчиња
- 2 домати, сецкани на парчиња
- 4 супени лажици грашок (варен)
- 1 главица кромид, ситно сецкан
- 1/2 супена лажица палмин шеќер (или кафеав шеќер)
- 1 супена лажица рибен сос
- 1/4 кафена лажица мелен бел бибер
- 1/4 кафена лажица темен сос од соја
- 3 јајца
- 3 супени лажици свеж сецкан коријандер
- 1 црвено чили, сецкано на долгнавести парчиња
Подготовка:
Во вок тава, загрејте го маслото и гответе го свинското месо 2 минути додека не добие кафена боја. Додајте ги кромидот, грашокот и доматите, а потоа посипете со шеќер и бибер. Истурете ги сосот од соја и рибниот сос и продолжете да пржите со мешање. (Не заборавајте нежно да ја протресувате вок тавата додека готвите, така што храната ќе се меша.) Изматете ги јајцата, ставете масло во тава за омлет и истурете ги јајцата. Кога едната страна на омлетот е готова, внимателно превртете го и испржете ја и другата страна. Кога и двете страни се испржени, ставете го испрженото свинско месо и зеленчук во средината на омлетот, а потоа преклопете ги рабовите на омлетот кон центарот. Оставете мал дел каде ќе се гледа филот. Гарнирајте со чили и свеж коријандер.
Бонус совет:
Додајте рижото и имате комплетен ручек.
Извор:
Pierrot Megkóstolni Ázsiát
Поврзани рецепти:
Аспирин® Протект 100, 100 mg гастрорезистентни таблети Лекот може да се издава и/или продава без рецепт.
Bayer d.o.o. Љубљана- Претставништво Скопје
Антон Попов 1, лок 4 мез., лам 2
ПРЕД УПОТРЕБА ВНИМАТЕЛНО ДА СЕ ПРОЧИТА УПАТСТВОТО! ЗА ИНДИКАЦИИТЕ, РИЗИКОТ ОД УПОТРЕБАТА И НЕСАКАНИТЕ ДЕЈСТВА НА ЛЕКОТ КОНСУЛТИРАЈТЕ СЕ СО ВАШИОТ ЛЕКАР ИЛИ ФАРМАЦЕВТ.
