Лосос со аспарагус
Ова е уште еден рецепт со многу здрави состојки. Добро е познато дека треба да јадеме риба идеално три пати (или барем еднаш) седмично за да го снабдуваме нашето тело со омега-3 масни киселини.
Омега-3 е есенцијална масна киселина што организмот не е во состојба сам да ја произведува, па затоа треба да ја внесуваме како дел од нашата исхрана. Добра вест: мрсните риби се неверојатно богати со oмега-3. Таа придонесува за здрава функција на мозокот и позитивно влијае на срцето и зглобовите. Го намалува ризикот од кардиоваскуларни заболувања и ги прочистува крвните садови. Ако јадете лосос, внесувате дополнителни витамини и минерали, на пример, калиум, цинк, железо, селен и витамин Б12.
А за аспарагусот се знае дека е ризница со витамини и минерали. Исклучително е богат со калиум, магнезиум, железо, витамини Б и Ц и е исклучително нискокалоричен. Лесно се вари, што го прави многу употребуван во диети, сè додека е подготвен на вистински начин. Аспарагусот е богат со растителни влакна кои го подобруваат варењето. Еве вкусен рецепт за да уживате во нив.
Состојки:
- 450 gr филети од лосос
- 2 портокала
- 2 раце аспарагус
- зелени маслинки
- 1-2 супени лажици сос од соја
- маслиново масло
- ставете сол и бибер по вкус
- 1 лимон
Исцедете ги портокалите и лимоните и измешајте го сокот со сос од соја и маслиново масло. Додајте малку сол и бибер во маринадата и со тоа покријте ги парчињата лосос. Ставете го лососот во сад за печење и истурете ја преостанатата маринада, а потоа печете во рерна на 175 степени малку повеќе од половина час. Во меѓувреме, отсечете ги тврдите краеви на стебленцата на аспарагусот. Измијте ги стебленцата и бланширајте ги во врела, солена вода, а потоа потпржете ги во малку маслиново масло. Ставете сол и бибер по вкус. Сервирајте веднаш штом ќе биде готов лососот и декорирајте со зелени маслинки и парчиња кора од портокал. Добивате нискокалоричен ручек кој сепак има богат вкус.
Извор:
Anyakanyar.hu (www.anyakanyar.hu)
Поврзани рецепти:
Аспирин® Протект 100, 100 mg гастрорезистентни таблети Лекот може да се издава и/или продава без рецепт.
Bayer d.o.o. Љубљана- Претставништво Скопје
Антон Попов 1, лок 4 мез., лам 2
ПРЕД УПОТРЕБА ВНИМАТЕЛНО ДА СЕ ПРОЧИТА УПАТСТВОТО! ЗА ИНДИКАЦИИТЕ, РИЗИКОТ ОД УПОТРЕБАТА И НЕСАКАНИТЕ ДЕЈСТВА НА ЛЕКОТ КОНСУЛТИРАЈТЕ СЕ СО ВАШИОТ ЛЕКАР ИЛИ ФАРМАЦЕВТ.
